Dy automjete janë përfshirë në një aksident mbasditen e kësaj të shtune në aksin Lezhë-Milot. Si pasojë e aksidentit ka mbetur e plagosur një vajzë. Në pritje të ambulancës qytetarë të shumtë kanë rrethuar vajzën, të cilën e nxorën nga makina për t’i dhënë ndihmën e parë. E reja e cila kishte pësuar disa lëndime nga aksidenti, qëndronte e shtrirë në asfalt, ndërsa qytetarë të shumtë ishin të gatshëm ta ndihmonin. Mes qytetarëve që i kanë ofruar ndihmë të resë ishte edhe ish-deputeti Bardh Spahia, i cili i ka dhënë ndihmën e parë të aksidentuarës.
Shfaq Komentet (0)
